我还在等你

ꉢꆎꇁꉚꑴꌦ

ꄸꌺꈌꈬ  ꁱ

ꉂꇁꅉꌠꀋ

ꋍꈓꋍꃢꁦꀑꁧꄩꌩꏾꇓꏾꏂꇁꌦꀐ

ꆎꆹꀋꃅꋋꄮꉷꃅꐥꇬꐥꌒꀕꀋꐚ

ꃅꍵꄮꐰ

ꁦꀑꁧꄩꌩꏾꇓꏾꏂꇁꌦꀐ

ꌩꏾꇓꏾꎰꄹꊰꇁꌦꀐ

ꆎꆹꀱꉈꀋꇁꑴꅀ

ꋧꃅꇣꄧꋋꂷꇬ

ꑍꏲꑍꏲꐮꇁꉚꌠꇨ

ꀿꃀꌺꇖꇁꉚꌠꇨ

ꀉꑳꀉꂿꇁꉚꌠꇨ

ꈧꌺꆪꌺꐮꇁꉚꌠꇨ

ꐱꑴꎰꆈꐔꇁꆧꌺꐮꇁꉚꌠꇨ

ꉂꇁꅉꌠ

ꉡꆹꆎꇁꉚꇓꈓꇬꐥ

ꄚ——

ꉜꀕꑓꏣꈘꑌꆏꇬꀋꇁ

ꄩꆹꃅꃴꏷꋦꋍꑖꑘꌬꌠꋍꂷꐊꅊꇈ

ꐧꆹꐧꋦꃰꊿꋍꑋꑍꉂꌠꋍꂷꐊꅊꇈ

ꊿꐙꊾꄮꇁꌠꐥꅊꇈ

ꃅꐛꊀꄮꇁꌠꐥꅊꇈ

ꌩꈪꊖꄮꇁꌠꐥꅊꇈ

ꋧꃅꋋꂷꇬꊰꇮꀕꊰꅊꀕ

ꑞꑌꇬꊎꅇꎔꉐꃨꄜꌠꌡ

ꉠꉂꇁꅉꌠ

ꀱꇁꀐꃅꉠꏯꅇꇰꐺꌠꌡ

ꉂꇁꅉꌠꀋꆏꉷꃅꇓꈓꐥꇬꉌꂵꆹꁏꀕꑌꀋꐙ

ꆀꃅꉐꐙꆈꑰꀕꄮꇬ

ꉡꆹꆎꉂꑓꁴꂷꉐꐊꄉꑌꊰꋺ

ꆀꃅꆳꁎꄮꇬꉠꅿꉂꐪꈍꑋꃅꆳꐊꄉꏭꃰꏿ

ꆀꃅꆳꁏꇀꄮꇬ

ꉡꆹꉠꅿꉂꊿꂶꌠꃅꆳꁏꌊꉷꃅꇓꈓꄉꈜꑽꁧꌠꐒ

ꆀꃅꇖꈋꂷꉐꐛꄮꇬ

ꉡꆹꉠꅿꉌꃀꈐꏭꉠꆏꉂꊿꂶꌠ

ꉷꃅꇓꈓꄉꄯꒉꀊꐎꁬꀋꏯꒈꊭꁂꄠꀕꌠꐒ

ꉂꇁꅉꌠꀋ

ꀋꋓꀋꉪꃅꆏꃅꍵꃹꇁꌦꀐ

ꆎꆹꀋꃅꉈꑴꇁꀕꀐꇆ

ꀋꋓꀋꉪꀋꌋꀋꏢꃅ

ꆀꃅꆈꌠꈎꏅꂷꌠꑟꇁꌦꀐ

ꆎꆹꉷꃅꇓꈓꐥꇬꉌꃀꁏꀕꑌꀋꐙ

ꉂꇁꅉꌠ

ꆏꉷꃅꐥꇬꎔꎗꃅꊨꏦꀧꌋꃅꅊꇈ

ꊫꂫꃰꇌꀉꇨꌠꉜꄉꏂꅊꇈ

ꊨꏦꇭꀧꀧꌋꃅꄉꐥꆏꍑ

ꀊꅰꃅꐚꄡꄏꅊꇈ

ꉡꆹꆀꃅꁡꇤꄉꆏꇁꉚ